صار مشكلة في العائلة والله يهديني حلفت أنو هدول الجماعة لن اذهب إليهم، بس بعد فترة شفت أمي زعلت وأرغمت للذهاب معها. شو إفتاء اليمين؟ أنا بعرف إطعام ١٠ مساكين؟ بس المشكلة أنو وضع زوجي كتير صعب. أرخص شي عنا بسوريا الفلافل، هل أستطيع أن أوزع ١٠ سندويشات؟ مع العلم سألت قبل الآن الكل يقول لي: أنو لازم أقل شي سندويشتين وزع. طيب إذا في جماعة بيشبعو بسندويشة بقدر اعطين هيك؟

إذا اشترينا أغراض للمنزل بالتقسيط حرام هاد الشيء؟ علما بكون في مبلغ زياده نسبة بسيطة؟

مشان صلاه الوتر هون بألمانيا إخواننا الأتراك بصلوها ٣ بتلسيمة واحدة هل صلاة ال ٤ ركعات من صلاه التراويح تنطبق على صلاه الوتر يعني أنا شافعي والإمام حنفي بصلي ٣ ركعات وتر والجلوس الأول بقرا الصلوات الابراهيمية وبس وقف بستفتح من أول وجديد؟ هيك بتكون صلاه الوتر صحيحة؟

إذا قلت في إحدى السجدات مثلا ١٠ مرات سبحان ربي الأعلى وفي سجدات بقية الصلاة ذاتها ثلاث مرات أو خمسة مثلا يجوز ؟ أم يجب أن يكون عدد التسبيحات نفسه في كل السجدات؟ وما هي الاعداد التي يجب الالتزام بها ؟